بورسعيد
المشهد الرابع
المشهد
أمينة: يا طنط زوزو عايزة أعمل شوبنج وأجيب حاجات حلوة زي اللي الناس لابسينها في الشوارع -
ودّيني أشتري هدوم من عند بتوع البالة!
طنط زوزو: بس يا بِتّ ماتخلّينيش أتشاكِل معاكِ -
البورسعيدية ما بيشتروش من البالة…
أمينة: بس أنا يا طنط مش بورسعيدية -
وعادي عندي أشتري من البالة…
طنط زوزو: خلاص روحي لوَحْدك!
بعد
مِناهدة
، اتفقت مع طنط زوزو تاخدني أماكن الشوبنج اللي بيروحوها أهل بورسعيد،
وأنا أروح أشتري من تُجّار البالة
لوَحْدي
.
جنب البيت في شارع الجمهورية في حَيّ الشرق،
اتفرّجنا على محلات البراندات زي أديداس وسونيتي وماركات تُعتبر عالية وغالية عند ناس كتير.
بعد كدا، نزلنا شارع التجاري في حي العرب
من أول
تقاطُع
حَيّ العرب مع شارع محمد على لحدّ
تقاطُع
حَيّ العرب بآخر شارع الأمين -
شارع طويل مليان محلات كتير بتبيع مَحلّي ومُستورَد لكل أنواع الهدوم والشنط والأحذية (الـشوزات - جمع شوز) والصابون والشامبو وكل حاجة،
ويُعتبَر شارع التجاري أشهر مكان بيبيع حاجات مُستوردة
بأسعار مناسبة.
